Қазақ
USD 377,99
EUR 426,11
RUB 5,75
Атырау облысы

Медициналық сақтандыру қорына түскен жарна мөлшері 176 млрд теңгеден асты

Медициналық сақтандыру қорына түскен жарна мөлшері 176 млрд теңгеден асты

Мамыр айында түскен сақтандыру жарнасының көлемі 9,5 млрд теңгеден асты.

2017 жылдың 1 шілдесінен 2019 жылдың 31 мамырына дейінгі аралықта Қорға 176,7 млрд теңге түсті. Аударымдар жүйе іске қосылған алғашқы жарты жылда өзі үшін жарна төлеуге міндеттелген жеке кәсіпкерлер мен азаматтық-құқықтық келісімшарт (АҚК) негізінде еңбек ететін тұлғаларға, сондай-ақ жұмыс берушілерге тиесілі.

Атап айтқанда, жинақталған қаражаттың 95% немесе 167,9 млрд теңгесін жұмыс берушілер, қалған 5% жуығы немесе 8,8 млрд теңгені – жеке кәсіпкерлер мен АҚК негізінде еңбек ететін санат аударған.

2017 жылдың 1 шілдесінен 2019 жылдың 31 мамырына дейінгі аралықта  жинақталған Атырау облысы бойынша жарнаның жалпы сомасы 11 млрд 254 млн теңгені құрап отыр.

Оның 10 млрд 954 млн теңгесі (шамамен 96,4%) жұмыс берушілердің аударымдары болса, қалған 299 млн. теңгеден астамы (3,6% жуығы) – жеке кәсіпкерлер мен азаматтық-құқықтық келісімшарт негізінде еңбек ететін тұлғаларға тиесілі.

Естеріңізге сала кетсек, жинақталған қаржы Ұлттық банкте сақталады және 2020 жылдан бастап МӘМС пакетінде көрсетілетін медициналық қызметтер ақысын төлеуге жұмсалмақ.

басқа жаңалықтар